Paľikeriav tuke, Devla,
vaš o dživipen,
vaš oda, hoj som Rom,
hoj džav tire dromeha
savore Romenca.
Hoj rodav lenge
o čačipen baro,
o čačipen sasto.
Paľikerav tuke
vaš e romňi, vaš o čhave,
so mange len bičhaďal
andre miro dživipen.
Paľikerav tuke, Devla,
vaš o čhon,
so o soviben mange anel,
kaj man raťi te sasťarel.
Paľikerav tuke
vaš o veša,
vaš o čirikle,
so sako tosara
ušťaven man giľenca.
Paľikerav tuke, Devla,
vaš o sasťipen,
vaš o miro the mire čhavengro
the savore manušengro.
Paľikerav tuke
vaš e čerešňori,
so adaj terďol
jekh jekhori,
vaš lakero parno uripen,
so balzamos hin pre mire jakha.
Paľikerav tuke, Devla,
vaš o lačhe manuša,
vaš lengere barvale jile.
Paľikerav tuke, Devla,
vaš oda, hoj som..

Děkuji ti, Bože,
za život,
za to, že jsem Rom,
že jdu tvou cestou se všemi Romy.
Že pro ně hledám
pravdu velikou,
pravdu uzdravující.
Děkuji ti
za ženu, za děti,
co jsi mi seslal.
Děkuji ti, Bože, za slunce,
které všemu dává život.
Děkuji ti, Bože, za měsíc,
který mi přináší spánek,
aby mě přes noc uzdravoval.
Děkuji ti
za lesy,
za ptáky,
co každý den
budí mě písněmi.
Děkuji ti, Bože, za zdraví,
za své, svých dětí
a všech lidí na Zemi.
Děkuji ti za třešeň,
co stojí tu sama, jediná,
za její bílý závoj,
co hladí moje oči.
Děkuji ti, Bože,
za dobré lidi,
za jejich bohatá srdce.
Děkuji ti, Bože,
za to, že jsem...


Překlad Jan Červenka

Poslech:
RealAudio ~ Download

Nyní si můžete poslechnout tuto básen v podání Anny Polákové, která ji přednesla v pražském Varieté Casinu na večeru poezie nazvaném "Setkání kultur".

O Roma penge giľaven,
andro giľapen roven...
So kerďam nalačho,
hoj avka phares andro dživipen džas?
Soske o gadže pre amende rušen,
choľamen pre amaro
tel o kham dživipen?
Kamas e luma, o veša, o kosmos
kamas te khelel, te giľavel,
kamas te rovel,
kamas jekh ke avreste
o drom manušano te arakhel.
Na kamas te dživel o dživipen,
sar o gadže dživen.
Či kamen o gadže,
kaj avka te dživas,
sar butdžene lendar dživen?
Amari dukh ča o Del dikhel,
amare apsa e daj - e phuv -
- andro burňika kidel.
Na kamas pes te mangel le bengeske,
kamas pes te mengel
le lačhe Devleske.
Na kamas maribena,
so dukha anen le čhavorenge,
savore manušenge.
Kamas maro upral -
- baro Devľikano kamiben
maškar savore manuša:
kale, parne, šarge -
Jov his savorengero
DAD.